CAPPELLETTI RECHEOS

     Os cappelletti, tamén chamados "Capeletinis", son un tipo de pasta rechea producida pregando cadrados ou círculos de pasta ao ovo, primeiro en dous triángulos, e unindo a continuación os extremos -cun xesto rápido e experto- ao redor dun dedo da man. Existen diferentes receitas tradicionais, pero todas coinciden en que a cocción en caldo de polo é a «morte» do cappelletto.
     Para a preparación dos cappelletti poden usarse queixos como o requeixo (ricotta), o queixo tenro ou o parmesano, algunhas especias e nalgunhas tradicións a carne. Respecto ao recheo, en Reggio Emilia e Parma a carne é obrigada e o único queixo usado é o parmesano; o caldo é de capón.



Ingredientes para 4 Persoas. Primeiro

• 500 gramos de pasta fresca verde (por cada 100 gr de fariña frouxa, un ovo e 75 gr de espinacas conxeladas.
• Para o recheo.
  • 1 mozzarella
  • unha peza de queixo parmesano
  • 250 gr de cogumelos
  • sal e pementa
  • 100 gr de espárragos trigueiros verdes
  • 1 ovo batido  para fechar a pasta.

Elaboración.

1. Facemos a masa coas espinacas triturando estas cos ovos e engadindo a fariña e a pizca de sal. Deixamos reposar a masa 30 minutos.
2. Para a farsa, picamos ben a mozzarella, escaldamos os espárragos trigueiros e os cortamos en paisana. Aparte limpamos os cogumelos, mais os espárragos trigueiros. Se vemos que están moi grosos, picamos un pouco.
3. Misturamos coa mozzarella e botamos un pouco de parmesano. Deixamos arrefriar.
4. Estiramos a masa na máquina de pasta e con axuda dun aro facemos o cappelletti. Poñemos enriba das marcas do aro o recheo, cubrimos con outra masa estirada. Pintamos co ovo e cerramos ben. Deixamos nunha bandexa ata acabare de facelos todos.
5. Cocer en abundante auga salgada, escorrer cando pasen 5 minutos, botar un pouco de aceite de oliva.
6. Facer unha salsa o gusto.