Comezamos coas receitas: Blinis de polo

     Un blini é unha tortiña fina (especie de crêpe) moi común na cociña eslava a base de fariña , ovos , leite  e levadura que pode comerse cocida no forno ou frita, con ou sen recheo algún.
     É unha opción interesante para un aperitivo. neste caso os temos elaborado  con xamón de polo (unha codia de limón e de laranxa).

Imos coa  receita.


BLINIS, MASA BASE.

Ingredientes:

• 190 gr de leite,
• 1 ovo,
• 35 gr de manteiga,
• 125 gr de fariña,
• 40 gr de zucre,
• 3 c/c de levadura química Royal

Elaboración

1. Misturamos todo-los ingredientes nun bol.
2. Deixamos repousar 15 minutos.
3. Nunha prancha ben quente, facemos pequenas toritas ca masa. Douramos por ámbolos lados.

MAIONESA DE CURRI

Ingredientes:

• unha xema de ovo,
• ¼ de litro de aceite de xirasol,
• pizca de sal,
• zume de medio limón,
• 2 c/c de Curri en pasta . (Se omitimos este ingrediente, temos a receita da maionesa caseira tradicional)

Elaboración:

1. Nun bol, pomos a xema de ovo, e imos engadindo o aceite en fio fino,
2. Batemos cunhas variñas de forma continua a xema co aceite ata que emulsione ben
3. Unha vez ligada a maionesa,  engadimoslle o resto dos ingredientes e misturamos ben.

   INGREDIENTES PARA OS BLINIS DE POLO

• 1/2 suprema de polo marinado
• 6 follas de leituga folla de carballo.
• 1/4 de litro de maionesa de curri
• 2 ovos
• unha pizca de perexil picado
• 2 cogombros
• blinis

 ELABORACIÓN DOS BLINIS:

1. Elaboramos os blinis
2. Lavamos as folla da leituga, secamos e cortamos en chiffonada fina. Aparte facemos unha maionesa e  misturámola ben coa leituga.
3. Cocemos os ovos (se son talla “M” 11 minutos; talla “L” 12 minutos) a partir de que o auga rompa a ferver.
4. Refrescamos os ovos e picamos ben picado igual cos cogombros, angadimos o perexel picado. Misturamos coa mistura anterior.
    
   MONTAXE DOS BLINIS

Base dos blinis  + mezcla de leituga con Curry + xamón de polo + mezcla de leituga.
  
E tras este proceso estarán listos para servir. Bo proveito!!!!