Piamontino

     O piamontino é un rolo de pasta fresca rechea. É unha elaboración que sorprendera a grandes e pequenos, facendo as delicias destes últimos. É doado de facer, ainda que un pouco laborioso, ideal para un día de visita, xa que a podemos preparar o día antes, e simplemente quentala antes de servila.

    Ingredientes:

• Unha praca de 60x40 de pasta fresca  (300 gramos de fariña e 3 ovos)
• 250 gr de espinaca
• 150 de cebolleta
• 250g de queixo de untar
• 200 gr de xamón cocido en lascas
• 200 gr de queixo de barra
• sal

Ingredientes para a salsa  veloute:

• 1/2 litro de caldo de polo  co que faremos como unha bechamel, sustituido o leite por dito caldo e usando  25g de manteiga e 25 de fariña para facer o roux
• unha cullerada de salsa de tomate fritido
• sal e pementa
• queixo relado para gratinar ( opcional )

    Elaboración:

1. Facemos a pasta fresca e deixamos repousar 30 minutos
2. Estiramos ben a pasta coa axuda dun rolo o máis fina posible, dandolle forma retangular
3. Salteamos as espinacas coa cebolleta e un pouco de sal; as trituramos co queixo de untar e facemos unha pasta
4. Poñemos sobre a praca de pasta, o xamón cocido, o queixo de barra e a pasta de espinacas.
5. Enrolamos a pasta, hata facer un rulo, semellante a un brazo  de xitano, con axuda de papel film.
6. Metemos o rolo no conxelador dun día para outor para tallalo mellor.
7. Preparamos a veloute ( é unha bechamel onde se usa o caldo de polo en lugar do leite)
8. Sacamos o piamontino do conxelador, o cortamos en rodaxas. e as dispomos nunha bandexa de forno.
9. Napamos coa salsa veloute ( cubrimos coa salsa) e o espolvoreamos con queixo ralado.
10. Metemos no forno a quentar, e a gratinar o queixo.