Risotto de polo ó curri

 
     Curri  é o nome xeralmente adoptado en Occidente para describir unha serie de pratos elaborados cunha mestura de especias picantes, desenroladas nas cociñas asiáticas do este e sureste asiático.
  Estes pratos foron difundidos en Europa polo Reino Unido e Holanda, ó transferir o coñecemento adquirido nas suas colonias durante o  século XVII. O curri é unha mestura baseada en diferentes especias que se empregan na India para guisos ou estofados con salsa e os pratos preparados con esa salsa.
   Neste risotto fusionamos o  tradiccional arroz italiano co exótico do curri, resultando un prato delicioso.

Ingredientes:

• 500 g de arroz carnaroli ( ou bomba se non dispomos deste arroz)
• 1 peituga de polo
• 1 bote de leite de coco
• 30 g de curri en po
• 1 vaso de viño branco
• 1/2 cebola
• 100g de manteiga
• aceite de oliva
• perexel
• allo
• queixo parmesano
• 2 L de caldo de polo
• sal e pementa
• tormentelo.
• medio manoxo de espárragos trigueiros

Elaboración:

1. Adobamos a peituga de polo, cortada en anacos con sal, unha rama de tormentelo, aceite de oliva.
2. Cortamos a manteiga en anacos pequenos e gardamolos no conxelador.
3. Escaldar os eparrágos en auga fervendo ( 30 a 60 segundos )
4. Nunha pota por a ferver o caldo de polo.
5. Collemos unha pota, botamos un chisco de aceite de oliva, e refogamos nela o allo e a cebola cortados en brunoisse co arroz.Remexemos un pouco e engadimos o vaso de viño.
6. Cubrir con duas culleradas grandes( o cucharon do caldo )  de caldo de polo e deixar a lume medio.Dutante a cocción se é preciso engadimos mais caldo.
7. Engadir a peituga adobada e os esparragos escaldados ós nove minutos de cocción e deixar cocer 15 minutos.
8. A parte, nunha tixola, botar o curri e o leite de coco.Remexer ben ata que se disolva o curri.
9. Engadimoslle ó risoto a mistura de leite de coco e curri e deixamos cocer.
10. Cando ó arroz esté o dente engadimoslle fora do lume o parmesano ralado, a manteiga conxelada, e aceite de oliva e opcionalmente unhas follas de alfabrega. Ligamos ben e servimos quente.