Coca de verduras

     Propoñémos unha crocante e colorida coca de verduras. Este modo de preparar as verduras fai que o seu consumo poida ser mellor aceptado polos máis pequenos, que normalmente non comen con demasiado entusiasmo o típico prato de verdura cocida con pataca.



Ingredientes para 4 Persoas.

• 1 cabaciña
• 1 pemento vermello
• 1 pemento verde
• 1 cebola
• 1 dente de allo
• 1 tomate
• un belisco de ouregano
• sal
• azucre

Para a masa.

• 450 gr de fariña frouxa
• 250 gr de aceite de oliva
• 250 ml de leite
• 10 gr de sal
• 20 gr de azucre

Elaboración.

1. Meter os ingredientes na batidora co brazo amasador. Amasar ata que a masa se desprenda das paredes da batidora.
2. Extendela nunha praca de forno cun chisco de aceite de oliva. Botálas hortalizas cortadas en mirepoix cun belisco de sal e ouregano e un chisco de azucre.
3. Meter no forno a 180º uns 35 minutos.