Lomo recheo de mazás

É  un prato moi sinxelo,leva moi pouco tempo de preparación ,esta ben rico e sabroso.

Ingredientes para 4 persoas:

• 1 lomo
• 4 mazás Golden
• un belisco de azucre
• 100 gr de manteiga
• un anaco de bramante
• salpementa
• belisco de canela
• 1 litro de caldo de pollo

Para as patacas Duquesa:

• 12 patacas
• 100 gr de manteiga
• 1/2 litro de leite
• belisco de noz moscada
• salpementa
• 2 ovos

Elaboración:

1. Abrimos o lomo, o recheamos con cuartos de mazá.
2. Envolvemos ben é bridamos co bramante. 
3. Sazoamos.
4.  Marcamos nunha tixola con manteiga clarificada (sen impurezas). 
5. Metemos no forno uns 25 minutos aproximadamente a 175º.
6. Para a salsa salteamos os cuartos da mazá cun belisco de azucre.
7.  Engadimoslle un pouco de caldo de polo e deixámolo reducir. 
8. Triturar e sazoar, botamoslle un belisco de canela.
9. Cortar o lomo en rodaxas, dispor nunha bandexa de forma decorativa.
10.  Napar coa salsa por riba e a ambos lados poñer as patacas duquesas.
11. Facer o puré coas patacas cocidas, unha vez secas, engadirlle manteiga, leite tébeda, belisco de noz moscada e os dous ovos, remexer ben. 
12. Meter nunha manga pasteleira cunha boquilla rizada.
13. Espolvorear con froitos secos ou queixo de gratinar.