PUDING DIPLOMÁTICO

Outro dos sabrosos postres para todos aqueles amantes da cociña que aprecien a reposteria máis sabrosa e que con gusto publicamos neste blog.Ademais, esta receita e unha grande aliada como receita de aproveitamento para os biscoitos que non damos comido ou que endurecen demasiado pronto.

Ingredintes:

• 6 ovos.
• 150 gr. de azucre.
• 600 gr. de leite.
• 300 gr. de recortes.
• 75 gr. de froita confitada.
• Unha pizca de vainilla.
• 125 gr. de azucre para caramelo.
• Unhas pingas de zume de limón.

Elaboración:

1. Preparamos o caramelo cos 125 gr. de azucre, auga e as pingas de zume de limón. Botámolo sobre o molde e deixamos arrefriar.
2. Poñemos a ferver o leite, fora do fogo infusionar cunha vaina de vainilla topando o cazo co film.
3. Noutro bol mesturamos os ovos co azucre, engadimos o leite, remexemos coa variña sen facer espuma e pasámolo polo funil.
4. No molde caramelizado imos colocando en capas os biscoitos e as froitas escarchadas cortadas en dados e  mollando coa crema de flan ata as 3/4 partes do molde.
5. Tapar con papel de aluminio, meter no forno ao baño maria a 175ªC durante 50 minutos.